فيتر صرت يا ناس والعيشه كشره.. جيب اليضب الروح بسبانه عشره
ريت الكلب بستان وانت الورد بي ... من ينشف الماي بدموعي ازكي
ريت الكلب ماطور والسرعه ميه .. يروح لحبيب الروح ويجيبه ليه
بيضه لو سمره تريد يبو فلان ... بس الليحب ثنين تاليها خسران
جاوبني تدري الوقت بوقاته سكتــاوي
موش أنته نبعة عشق بالحسن متغـاوي
مدري شجاني الليله حنـيت
واتقلب أعلى النار فريــت
خـل روحـــك إبعِـز دوم بالك تذلها
ولا تطلب الحاجــات إلاٌ من أهلهــا
غصبن عليـه الروح آنـه الأذلهـا
محتاج والحاجات ماهـمـه أهلهـا
أنوح أولاهلي يدرون بيه
تموت الروح والعله خفيه
بسك ولك يالبين دقاتك أويـــاي
أدقني وسط الضيق وتشمت اعداي
الاخو وقت الضيج ماينكر أخـته
أوحان الوقت هاليوم ياخويا وقته
لاتسأل إعله الحال خلـيها سكته
تسأل على المكتول والكاتل إنته
شحجي وتريد الناس من عندي أحجي
دمعتي إبطرف العين بس أحجي أبجي
أقبل صباح اليوم ابدنيتي هـــاي
شلت الردا أوفزيت لن عيني بهواي
لانفع نصحي أوياك لانفع لــــومي
أنا ادري مامحضوض راح ابقى دومي
__________________
اهداء إلى من علمتني الغرام... قبل الفطام.. إلى من أهدتني السلام.. دون الخصام... إلى من اسكنتني قلبها... وسقتني من حنان صوتها شهد المدام... إهديها كلماتي ... لحناً .. وانتظار اليوم المشهود.... إلى ....غاليتي و محبوبتي و حبيبة قلبي الى عصفورتي التي ترسل لي كل صباح اجمل و ارق كلمة مع نسائم الفجر و تودعني على امل اللقاء عند كل مغيب أحبكِ
_______________________________________